張清芳 古早的歌阮來唱[1+2]

1.安平追想曲

作詞：陳達儒
作曲：許石

身穿花紅長洋裝 風吹金髮思情郎
想郎船何往 音信全無通 伊是行船仔逐風浪
放阮情難忘 心情無塊講 相思寄著海邊風
海風無情笑阮憨 啊！不知初戀心茫茫

相思情郎想自己 不知爹親二十年
思念想要見 只有金十字 給阮母親仔做為記
放阮私生兒 聽母初講起 越想不幸越哀悲
到底現在生也死 啊！伊是荷蘭的船醫

想起母子的運命 心肝想爹也怨爹
別人有爹疼 阮是母親晟 今日青春孤單影
全望多情兄 望兄的船隻 早日回歸安平城
安平純情金小姐 啊！等你入港銅鑼聲


2.舊情綿綿

作詞：葉俊麟
作曲：洪一峰

一言說出就要放乎忘記哩 舊情綿綿暝日恰想也是你
明知你是楊花水性 因何偏偏對你鐘情
啊 不想你 不想你不想你 怎樣我又擱想起 昔日談戀的港邊

青春夢斷你我已經是無望 舊情綿綿心內只想你一人
明知你是有刺野花 因何怎樣我不反悔
啊 不想你 不想你不想你 怎樣我又每暗夢 彼日談情的樓窗

男子立誓甘願看破來避走 舊情綿綿猶原對你情意厚
明知你是輕薄無情 因何偏偏為你犧牲
啊 不想你 不想你不想你 怎樣若看黃昏到 著來想你目屎流


3.青蚵仔嫂

作詞：郭大誠
作曲：民謠

別人的阿君仔是穿西米羅 阮的阿君仔喂是賣青蚵
人人叫阮是青蚵仔嫂 要吃青蚵仔喂是免驚無

別人的阿君仔是緣投仔桑 阮的阿君仔喂是目睭脫窗
生做美醜是免怨嘆 人講醜ㄤ仔喂是吃袂空

別人的阿君仔是住西洋樓 阮的阿君仔喂是睏土腳兜
命運好歹是免計較 若有認真仔喂是會出頭


4.秋風夜雨

作詞：周添旺
作曲：楊三郎

風雨聲音擾亂秋夜靜 時常聽見蚯蚓哮悲哀
引阮思鄉 不知雨水冷 自嘆自恨 幸福未完成
啊！前途茫茫宛然失光明

希望純情結成好鴛鴦 無疑環境阻礙阮自由
秋風夜雨 也無替阮想 那通歸暝 迫阮添憂愁
啊！思思唸唸一日如三秋

(風雨淒涼已經是秋分 離開故鄉猶原這時袸)
彼時約束 望你相信阮 堅心為君 保守阮青春
啊！阮是可比海上小帆船

p.s()中的歌詞阿芳是用「嗯…」代替，並沒有唱


5.水車姑娘

作詞：葉俊麟

爸爸牽水牛走過田岸邊 想著什麼越頭對阮
笑甲嘴嘻嘻 恰！恰恰！恰！恰恰！
做一個農家女兒 每日踏水車 唉！唉！
猶原也時常唱歌詩安慰心空虛

飛來又飛去 一對白鷺鷥 引阮思念心愛哥哥
難忘的情味 恰！恰恰！恰！恰恰！
幫忙著年老爸爸 每日踏水車 唉！唉！
照心願惦在伊身邊 著要等何時

為著伊學業惦在小城市 彼日批信也是叫阮
忍耐心稀微 恰！恰恰！恰！恰恰！
期待著快樂春天 每日踏水車 唉！唉！
若聽見烏秋塊叫啼大氣吐袂離


6.落大雨彼一日

作詞：葉俊麟

彼早起呀落大雨落甲彼下埔 為著等伊害阮衫褲屋甲淡糊糊
啊！愛情算來甘帶苦 表示初戀的熱度
想起來也是為著幸福的前途
今日落雨想起彼時 在落雨街路

彼早起呀落大雨落甲彼黃昏 兩人講話太過興奮 不驚雨大陣
啊！伊講父母不允准 甘願看破從孝順
想起來真是誤著寶貴的青春
今日落雨想起彼時 心頭越憂悶

彼早起呀落大雨落甲彼半暝 雨水清冷伴阮行到寂靜的深更
啊！傷心提起要分離 兩人抱著目屎滴
想起來總是一項可惜的代誌
今暗落雨想起彼暝 加添心稀微


7.月娘半爿圓

作詞：吳晉淮
作曲：吳晉淮

春去秋來又一年 乎阮想著心傷悲
舉頭看見天頂星 月娘猶原半爿圓(爿：bingˇ)
遙遠故鄉幾千里 離開父母數十年
啊‧‧啊‧‧ 天星閃爍月半圓(爍：sih_)

聽見窗外雀鳥啼 聲聲句句在耳邊
引阮想起彼當時 難分難離的伴侶
雖然離開你身邊 愛伊的心永難移
啊‧‧啊‧‧ 天星閃爍月半圓

愈想心內愈稀微 只有怨嘆阮自己
情緒乎阮無安定 叫阮怎樣倒轉去
忍耐一切酸苦味 等待他日再團圓
啊‧‧啊‧‧ 天星閃爍月半圓


8.孤女的願望

作詞：葉俊麟

請借問播田的田莊阿伯啊
人塊講繁華都市台北對叼去 阮就是無依偎可憐的女兒
自細漢著來離開父母的身邊 雖然無人替阮安排將來代誌
阮想要來去都市做著女工渡日子 也通來安慰自己心內的稀微

請借問路邊的賣煙阿姐啊
人塊講對面彼間工廠是不是貼告示要用人 阮想要來去
我看你猶原不是幸福的女兒 雖然無人替咱安排將來代誌
在世間總是著要自己打算才合理 青春是不通耽誤人生的真義

請借問門頭的辦公阿伯啊
人塊講這間工廠有要採用人 阮雖然也少年攏不知半項
同情我地頭生疏以外無希望 假使少錢也著忍耐三冬五冬
為將來為著幸福甘願受苦來活動 有一日總會得著心情的輕鬆


9.心酸酸

作詞：陳達儒
作曲：姚讚福

我君離開千里遠 放阮孤單守家門
袂吃袂睏腳手軟 瞑日思君心酸酸

無疑一去無倒返 辜負青春暝日長
連寫批信煞來斷 乎阮等無心酸酸

一時變心袂按算 秋風慘淡草木黃
風冷情冷是無秧 光景引阮心酸酸


10.童年組曲(一)

(1)天黑黑
天黑黑要落雨 阿公仔舉鋤頭要掘芋
掘啊掘 掘啊掘 掘到一尾旋鰡鼓 依呀嘿都真正趣味
阿公仔要煮鹹 阿媽要煮淡 兩個相打弄破鼎
依呀嘿都郎咚叱咚槍 哇哈哈
依呀嘿都郎咚叱咚槍 哇哈哈

(2)白鷺鷥
白鷺鷥 車糞箕 車到溪仔墘
跋一倒 拾到一鮮錢
白鷺鷥 車糞箕 車到溪仔墘
跋一倒 拾到一鮮錢 拾到一鮮錢

月光光 秀才郎 騎白馬過南塘
南塘袂得過 掠貓來接貨
接貨接袂著 舉竹篙按呢撞

(3)一隻鳥仔哮啾啾
嘿嘿嘿都一隻鳥仔哮啾啾 嘿呼咿
哮到三更一半暝找無巢 呼嘿呼
呼嘿都啥咪人啊甲阮弄破這個巢 魯呼呢
給阮抓到不放伊甘休 呼嘿呼

(4)收酒矸
阮是十三兒啊單 自細父母就真散
為著生活不敢懶 每日出去收酒矸
有酒矸通賣無 歹銅舊錫簿仔紙通賣無
有酒矸通賣無 歹銅舊錫簿仔紙通賣無
酒矸通賣無 酒矸通賣無 酒矸通賣無 酒矸通賣無……

落大雨 透大風 天烏地暗打雷公
門口積滿水 有路行不通
落大雨 透大風 雞仔鴨仔驚雷公
避去簷前繳 驚到憨憨憨

(5)西北雨直直落
西北雨直直落 鯽仔魚要娶某
鮕玳兄拍鑼鼓 媒人婆仔土虱嫂
日頭暗找無路 趕緊來火金姑
做好心來照路 西北雨直直落

(6)點仔膠
點仔膠 黏著腳 叫阿爸買豬腳
豬腳庫仔滾袂爛 飫鬼囝仔流嘴瀾
點仔腳 黏著腳 叫阿爸買豬腳
豬腳庫仔滾爛爛 飫鬼囝仔流冷汗


11.快樂的出帆

作詞：蜚聲

今日是快樂的出帆期 無限的海洋也歡喜出帆的日子
綠色的地平線 青色的海水 卡膜脈 卡膜脈 卡膜脈嘛飛來
一路順風唸歌詩 水螺聲響亮送阮 快樂的出帆啦！

親愛的朋友啊情難離 爸爸啊媽媽啊 我會寫批寄乎你
暫時的分離 請你免掛意 卡膜脈 卡膜脈 卡膜脈嘛飛來
一路順風唸歌詩 滿腹的興奮心情 快樂的出帆啦！

天連海海連天幾千里 清涼的海風也祝阮出帆的日子
迷人的南洋 木瓜花香味 卡膜脈 卡膜脈 卡膜脈嘛飛來
一路順風唸歌詩 手彈著輕鬆吉他 快樂的出帆啦！

p.s卡膜脈：海鳥、海鷗的意思


12.鑼聲若響

作詞：許丙丁
作曲：許石

日黃昏愛人啊要落船 想著心酸目睭罩黑雲
有話要講趁這袸 較輸心頭亂紛紛 想袂出親像失了魂
鑼聲若響 鑼聲若響就要離開君

船燈青愛人啊在船墘 不甘分離目睭釘著伊
有話要講趁這袸 較輸要講喉先哽 全無疑哪會按呢生
鑼聲若響 鑼聲若響就要離開伊

錠離水愛人啊船要開 吐出大悸恨別嘴開開
一聲珍重相安慰 成功返來再做堆 情相累心肝像針威
鑼聲若響 鑼聲若響袂得再相隨


13.阮不知啦

作詞：陳達儒
作曲：吳成家

彼時約束啊！雙人無失信
近來言語啊！煞來無信憑
冷淡態度親像無要無緊 你甘是 你甘不是找到新愛人
啊！阮不知啦 阮不知啦 總無放舊去找新

近來講話啊！大聲細聲應
愛情戀夢啊！漸漸變無親
不明不白因何僥心反面 你甘是 你甘不是找到新愛人
啊！阮不知啦 阮不知啦 總無放舊去找新

春天花蕊啊！為春開了盡
十八少年啊！為你用心神
怎樣這款全無同情可憐 你甘是 你甘不是找到新愛人
啊！阮不知啦 阮不知啦 總無放舊去找新


14.送君情淚

作詞：葉俊麟

一路送君來行到了小山崙 一時心肝頭亂紛紛
滿腹心事要對君議論 又來想不允 甘擔吐悸暗自恨

兩人做陣來行到了雙叉路 兩平路邊樹影暗黑
暗中想起君前途勞苦 目屎像落雨 拭甲手巾淡糊糊

三言兩語來交代著郎君伊 三番四叮嚀望再見
裝著笑容來甲伊分離 忍著心酸悲 站在路頭情綿綿


15.難忘的鳳凰橋

作詞：葉俊麟

今夜燈光影暗淡 難忘的鳳凰橋
像彼暝冷酸酸 催著阮目屎滴
心愛的彼個人 因何放阮做你去
啊！哀愁的橋頂罩著茫霧

月色朦朧又照著難忘的鳳凰橋
陪伴阮心空虛 徘徊著橋頭邊
來懷念彼當時 雙人情意甜蜜甜
啊！哀愁的橋頂罩著茫霧

水流聲音引心悲 難忘的鳳凰橋
像替阮來叫著 思戀的你名字
到底你到何時 才要返來阮身邊
啊！哀愁的橋頂罩著茫霧


16.補破網

作詞：李臨秋
作曲：王雲峰

看著網 目眶紅 破甲這大孔
想要補 無半項 誰人知阮苦痛
今日若將這來放 是永遠無希望
為著前途弄破網 找傢司補破網

手拿網 頭沈重 悽慘阮一人
意中人 走叼藏 哪沒來逗幫忙
姑不利將網振動 舉網針接西東
天河用現做橋板 全精神補破網

(魚入網 好年冬 歌詩滿漁港
阻風雨 駛孤帆 阮勞力無了工)
雨過天晴魚滿港 最快樂咱雙人
今日團圓心花香 從今免補破網

p.s傢司：工具的意思
p.s()中的歌詞阿芳是用「嗯…」代替，並沒有唱


17.總是我不對

作詞：民謠
作曲：民謠

你不對我不對 烏秋打鷹葉 哪唉唷
小姐真美無人惜 頭痛無膏藥
講來又講去 唉 總是我不對 哪唉唷得唷
你不對我不對 不對也是對 哪唉唷
講來又講去 萬項總是我不對 哪唉唷唷得唷

你不對我不對 乞食住破廟 哪唉唷
少年緣投無定著 要睏無草蓆
講來又講去 唉 總是我不對 哪唉唷得唷
你不對我不對 不對也是對 哪唉唷
講來又講去 萬項總是我不對 哪唉唷唷得唷


18.望你早歸

作詞：那卡諾
作曲：楊三郎
編曲：王豫民

每日思念你一人 未能得相見
親像鴛鴦水鴨不時相隨 無疑會來拆分離

牛郎織女伊兩人 年年有相會
怎樣你若一去全然無回 放棄阮孤單一個

若是黃昏月亮欲出來的時 加添阮心內悲哀
你要和阮離開那一日 也是月要出來的時

阮只好來拜託月亮 替阮講乎伊知
講阮暝日悲傷流目屎 希望你早一日回來


19.夜半路燈

作詞：周添旺
作曲：許石

夜半濛霧罩四邊 路燈光微微 路燈光微微
偎在燈柱悶無意 靜靜等待伊 靜靜等待伊

聽著口琴的聲音 春宵夜沈沈 春宵夜沈沈
哪通迫阮獨傷心 哀韻暗暗吟 哀韻暗暗吟

夜半路燈照著阮 不知阮心悶 不知阮心悶
四邊靜靜那休睏 傷情獨自恨 傷情獨自恨

孤星伴月漸斜西 冷風又吹來 冷風又吹來
路燈伴阮失主裁 憂愁誰人知 憂愁誰人知


20.相思海

作詞：李臨秋
作曲：林二

海面茫茫相思海 茫茫失東西
阮是思君君袂來 搭心今何在
今何在 今何在 今何在 啊！海鳥替阮做花使

海中孤舟相思海 孤舟問天涯
阮是找君君不知 波浪滿腹內
滿腹內 滿腹內 滿腹內 啊！海風傳情乎伊知

海底摸針相思海 摸針憨大獃
阮心罵君君不該 消瘦為你害
為你害 為你害 為你害 啊！海水流落為了愛


21.最後的火車站

作詞：正一
作曲：正一

紅紅夕陽雖然好 可惜近黃昏 夜晚風吹著阮一陣冷酸酸
夜快車載阮離開著郎君 在車內孤單心頭亂紛紛
啊！最後的 最後的火車站到底在何方

彼時講出的言語 你甘放忘記 白色的目屎也流落在鬢邊
車窗外燈火光光塊閃熾 才知是來到異鄉的都市
啊！月光暝 月光暝引起阮想著初戀時

悲恨已經深如海 惡夢已經醒 窗外的車螺聲替阮哭歸暝
目屎也已經為伊流甲盡 對伊的真情已經變無味
啊！無情人 無情人你叫阮怎樣過日子


22.童年組曲(二)

(1)黑面祖師公
黑面祖師公白目眉 無人加你請尬己來 尬己來
黑面祖師公白目眉 無人加你請尬己來 尬己來
一個面擱笑咳咳 笑甲一個嘴仔離西西
到底為啥代 為啥代 舉椅頭仔看目眉
椅頭踏無好跋落來 跋一個有嘴齒擱無下頦 真厲害
大聲細聲哀 無講無人知 無講無人知 無人知
黑面祖師公白目眉 無人加你請尬己來 尬己來 尬己來

嬰仔嬰嬰睏 一暝大一寸 嬰仔嬰嬰惜 一暝大一尺
搖子日落山 抱子金金看 子是我心肝 驚你受風寒

(2)搖籃仔歌
搖仔搖仔搖仔搖仔搖 搖來搖去一搖搖到黑顫橋
乖嬰仔古錐親像花蕊吻吻笑 阿娘阿爹無時無陣疼惜惜

大塊獃炒韭菜 燒燒一碗來 冷冷阮無要
嘿！大塊獃炒韭菜 燒燒一碗來 冷冷阮無要
嘿！大塊獃 到此你才知 到此你才知

(3)撿魚鰡
羞呀羞呀羞哪噯唷 提籃撿魚鰡哦
那噯唷 提籃撿魚鰡哦
羞羞羞羞羞 提籃撿魚鰡
羞羞羞羞羞 提籃撿魚鰡
攏總撿幾尾 噯唷 攏總撿二尾啦
攏總撿二尾 一尾煮來吃啊一尾糊目睭
(女)請問阿哥不知撿外多
(男)姑娘姑娘 我是撿二尾
(女)一尾煮來吃唷
(男)一尾糊目睭
(合)哪噯唷塊唷 羞羞羞羞羞


23.祖母的話

作詞：劉福助
作曲：劉福助

做人的媳婦著知道理 晚晚去睏著早早起
又擱煩惱天未光 又擱煩惱鴨無卵
煩惱小姑要嫁無嫁妝 煩惱小叔要娶無眠床

做人的媳婦著知道理 晚晚去睏著早早起
起來梳頭抹粉點胭脂 入大廳拭桌椅
踏入灶腳洗碗箸 踏入繡房繡針織

做人的媳婦擱真艱苦 五更早起人嫌晚
燒水洗面人嫌熱 白米煮飯人擱嫌黑 氣著剃頭作尼姑

若是娶到彼囉不孝媳婦 早早著去睏 晚晚擱不起床
透早若是甲伊叫起來 著面仔臭臭
頭鬃又擱背在肩胛頭 腳屐又擱拖塊腳蹟後
著吱吱咕咕吱吱咕咕起來 罵大家官是老柴頭